दार्चुला । नेकपा माओवादी केन्द्र दार्चुलाका युवा नेता भुवन भण्डारीले गोकुलेश्वरका विभिन्न स्थानमा राहतस्वरुप स्वास्थ्य सामाग्री वितरण गर्नुभएको छ ।
शैल्यशिखर नगरपालिकाको वडा नम्बर ९ मा रहेको इलाका प्रहरी कार्यालय गोकुलेश्वर, गोकुलेश्वर अस्पताल, बादी समुदाय र सञ्चारकर्मीहरुलाई मास्क र सेनिटाइजर वितरण गर्नुभएको हो । युवा व्यवसायी समेत रहनुभएका उहाँले गोकुलेश्वर अस्पताललाई तीन हजार पिस मास्क र दुई लिटर सेनिटाइजर वितरण गर्नुभएको हो ।
यस्तै इलाका प्रहरी कार्यालय गोकुलेश्वरका साथै बादी समुदायमा र सञ्चारकर्मीहरुलाई समेत मास्क र सेनिटाइजर वितरण गर्नुभएको छ ।
गत साता कोरोनाका कारण गोकुलेश्वर अस्पतालमा मृत्यु भएका बादी समुदायका एक महिलाको परिवारलाई २५ किलो चामल, एक किलो दाल, दुई किलो नुन, एक लिटर तेल लगायत खाद्यान्न समेत वितरण गर्नुभएको छ ।
शैल्यशिखर नगरपालिकाका सबै वडाहरुमा मास्क, सेनिटाइजर वितरण गर्ने योजना रहेको नेता भण्डारीले बताउनुभयो ।