काठमाडौँ। मोरङको मिक्लाजुङ् गाउँपालिका १ स्थित सरस्वती आधारभूत विद्यालयका प्रधानाध्यापकका हत्यारालाई कारबाही गर्न माग गरेको छ ।
प्राधानाध्यापक राजेन्द्रकुमार श्रेष्ठलाई नेत्रविक्रम चन्द विप्लव नेतृत्वको प्रतिबन्धित नेकपाका कार्यकर्ताले गत मंगलबार विभत्स हत्या गरेका थिए ।
यस घटनालाई राजनैतिक तथा अन्य आवरणमा ढाकछोप नगरी संलग्नलाई दण्डित गर्न नेविसंघले माग गरेको छ ।
अध्यक्ष राजीव ढुंगानाले विज्ञप्ति जारी गर्दै शिक्षा क्षेत्रमै आक्रमण हुँदा यसले शैक्षिक वातावरणसमेत खलबलिएको भन्दै शिक्षक र विद्यार्थीको सुरक्षाका लागि सरकारको ध्यानाकर्षण गराएका छन् ।
साथै, नेविसंघले विप्लव समूहले उठाएका जनताका मुद्दा वार्ता र संवादका माध्यमबाट सम्बोधन गरी समस्या समाधानका लागि तदारुकता देखाउन सरकारलाई आग्रह गरेको छ ।