दार्चुला : नेकपा एमाले दार्चुलाका अध्यक्ष प्रेम सिंह धामी स्थानीय तहको निर्वाचनमा गाउँपालिका अध्यक्षमा पराजित भएका छन् । उहाँलाई गठबन्धनका साझा उम्मेदवार दलजित सिंह धामीले ५ सय ६ मतान्तरले पराजित गरेका हुन् । माओवादी केन्द्रका दलजित गाउँपालिका अध्यक्षमा ३ हजार ७ सय ८३ मत ल्याइ विजयी भएका छन् । एमालेका प्रेमसिंह २०७४ सालको स्थानीय तहमा नौगाड गाउँपालिका अध्यक्षमा निर्वाचित भएका थिए । यस्तै नौगाड गाउँपालिका उपाध्यक्षमा काँग्रेसबाट जगत सिंह ठगुन्ना ३ हजार ९ सय ५६ मत ल्याइ विजयी भएका छन् । उहाँका निकटतम प्रतिद्धन्द्धी एमालेकी गौरी देवी ठगुन्नाले २ हजार ९ सय ५२ मत ल्याइन् ।